En la media interchantunala han las interpresas pajà il 2017 ina taxa da 17,7% sin il gudogn. Il pe da taglia è damai restà stabil en cumparegliaziun cun l'onn avant. Quai mussa il studi «Swiss Tax Report 2018» da la firma da cussegliaziun KP-MG.
Il pli bas pe da taglia sin il gudogn a vinavant il chantun Lucerna – suandà da plirs ulteriurs chantuns da la Svizra centrala e dals dus Appenzells.
Reducziun da 3,05% dapi il 2007
Dapi il 2007 è la media interchantunala per il pe da taglia sin il gudogn d'interpresas sa reducida per 3,05%. Er en il Grischun han ins sbassà il pe da taglia en ils davos 10 onns.
En connex cun il sboz da taglia 17 spetgan ins ulteriuras reducziuns. Quai cunzunt en ils chantuns ch'han actualmain in pe da taglia aut. Il mument pertutgass quai cunzunt la Genevra, la Basilea-Citad, il Vallais e Berna.
RR novitads 14:00