L’anteriur interprendider Rolf Erb è mort d'ina malsogna dal cor. Quai haja demussà l’obducziun, ha communitgà la procura publica dal chantun Turgovia.
Rolf Erb è vegnì chattà mort ils 8 d’avrigl en ses chastè a Salenstein. Suenter il concurs da sia interpresa avess Erb stuì ir proximamain per 7 onns en praschun. La fin da mars aveva il tribunal federal refusà in recurs dad Erb, ch’aveva vulì sa defender encunter la decisiun faschond valair privel da suicidi acut.
RR novitads 16:00
