Svizra - Sajettà luf en il Goms

Dapi l'entschatta da la stagiun d'alpegiaziun haja adina puspè dà attatgas da lufs sin muntaneras da nursas, scriva il chantun Vallais en ina communicaziun. Enfin ils 16 da fanadur sajan vegnidas stgarpadas dapli che 10 nursas. Perquai che quai era tar muntaneras protegidas u là nua ch'ins na possia betg proteger las muntaneras, sajan las premissas per sajettar il luf stadas cuntanschidas.