Legenda:
Il luf-tscherver era magher ed apatic (maletg d'archiv).
Keystone
cuntegn
Svizra - Sajettà luf-tscherver ad Appenzell Dadens
En l'Appenzell Dadens è in luf-tscherver vegnì sajettà. L'animal giuven e magher avevan ins observà gia in temp ad Appenzell sin la plazza da scola, a Weissbad sco era a Steinegg.
La femella, ch'era tranter tschintg e set mais, haja pliras giadas empruvà da rumper en en stallas da giaglinas e cunigls. La finala sajan ins sa decidì da sajettar l'animal magher ed apatic.
Ins aveva ditg sperà ch'ella chattia puspè sia mamma. Normalmain resta in animal giuven durant l'emprim enviern anc tar sia mamma. I possia dentant er esser che lezza avevia refusà l'animal giuven perquai ch'ella era malsauna. Fin qua saja quai dentant be speculaziuns.