Sanaziuns energeticas vegnan sustegnidas da chantuns e Confederaziun. La Confederaziun ha anc mai subvenziunà uschè fitg quellas sco il 2022. En tut ha il program d'edifizis pajà 425 milliuns francs a proprietarias e proprietaris. L'onn 2021 èsi stà 361 milliuns francs.
L'Uffizi federal d'energia ha communitgà che quest trend ensi vegn probabel a cuntinuar.
Sanaziuns spargnan energia
Las sanaziuns dal 2022 reduceschan il consum d'energia per 8'800 milliardas uras gigawatt, scriva la Confederaziun. Quai reduceschia l'emissiun da CO2 per radund 2,5 milliuns tonnas. En tut ha la Svizra duvrà il glindesdi 170 uras gigawatt, per metter en relaziun il respargn tras las sanaziuns. En connex cun bajetgs vegn duvrà radund 44% da tut l'energia en Svizra.
audio
Per tadlar: las novitads da las 12:00
ord RTR Audio dals 29.08.2023.
laschar ir. Durada: 4 minutas 21 Secundas.
