Svizra - Sbassar taxa per radio e televisiun cun midar lescha
Cun in gea a la revisiun da la lescha davart radio e televisiun profitass la gronda part da las chasadas en Svizra, uschia ha la cussegliera federala Doris Leuthard declerà a Berna.
Cun adattar la lescha pudess la taxa annuala vegnir sbassada per radund 60 francs sin 400 francs per chasada. Interpresas ston pajar taxas tenor lur svieuta e tar ina svieuta annuala sut in mez milliun franc scroda la taxa dal tut.
Il suveran svizzer decida ils 14 da zercladur davart la midada da la lescha.