Svizra - SBB augmenta qualitad da telefonar en trens regiunals
Las Viafiers federalas vulan meglierar l'electronica en ils trens regiunals. Ils proxims onns planiseschan ellas d’impunder persuenter 55 milliuns francs.
Sper in meglier retschaviment per il telefonin pussibiliteschan questas adattaziuns era infurmaziuns en temp real per la clientella. Plinavant datti novs sistems da surveglianza, e novas pussaivladads per ils passagiers da dar alarm.
Fin la fin dal 2018 duain ils emprims prototips cun la nova tecnologia esser pronts. Per remplazzar l’electronica dals 261 trens regiunals, prenda la SBB mintga tren ord la circulaziun per var duas emnas.
