Legenda:
Ils trens a duas auzadas vegnan renovads endadens sco era dad ordadora.
Keystone
cuntegn
Svizra - SBB modernisescha trens per passa 300 milliuns francs
L’SBB modernisescha ils varga 340 trens da dus plauns per passa 300 milliuns francs. Tranter auter duajan l’access per persunas cun impediments e las colliaziuns per telefonins vegnir meglierads.
Insumma duaja la modernisaziun purtar dapli confort als passagiers. Uschia vegnia per exempel remplazzà las glischs cun in concept da glisch ecologic che duai procurar per ina bun’atmosfera. Plinavant vegnan las bischlas da contact integradas en las maisas ed ils plimatschs da seser vegnan remplazzads. Uschia sajan ils trens a dus plauns pronts per ils proxims 20 onns. Las renovaziuns cumenzan l’entschatta 2019 ad Olten e duajan esser terminadas l’onn 2024.
