Legenda:
Maschinas dal concern Nestle en sia fabrica a Konolfingen, chantun Berna.
Keystone
cuntegn
Svizra - Sceptica davart il svilup economic en Svizra
Ils experts da la Confederaziun han curregì levamain engiu lur prognosas per la conjunctura. Da nov spetgan els ina creschientscha dal product naziunal brut da anc 1,4%. Il december passà avevan els anc quintà cun ina creschientscha da 1,5%.
E per l’onn che vegn quintan ils experts da la Confederaziun cun ina creschientscha da 1,8%, annunzia il Secretariat da stadi per l’economia SECO. Avant 3 mais aveva la prognosa anc muntà ad ina creschientscha da 1,9% per il 2017.
En vista a la conjunctura che vegnia mo plaunet sin turas quinta il SECO cun in augment da la dischoccupaziun en Svizra per quest onn. Pir l’onn che vegn vegnia la dischoccupaziun puspè a sa sbassar levamain.
