Legenda:
Il CEO da la Viafier federala, Andreas Meyer, ha preschentà las mesiras da spargn la gievgia passada.
Keystone
cuntegn
Svizra - Schef da la SBB defenda program da spargn
Il schef da la Viafier federala Andreas Meyer ha defendì il program da spargn da l’interpresa. En la «Samstagsrundschau» da Radio SRF ha Meyer ditg ch’ils custs vegnian a crescher considerablamain sch’ins n’ageschia betg uss.
La Viafier federala vul ch’ils pretschs creschian ils onns proxims sulet moderà. Perquai vegnian ins ad agir per exempel tar la utilisaziun da la rait da viafier.
Il program da spargn da la Viafier federala prevesa mesiras da spargn da milliardas ed en in emprim pass la reducziun da radund 900 plazzas da lavur enfin il 2020.
