La stad chauda e sitga fa patir la cultivaziun dad ers svizzers. La racolta da ravas da zutger vegn ad esser magra, er sche la racolta n'è anc betg terminada.
Tenor il schef da l'interpresa zutger svizzer SA, Guido Stäger, saja la racolta sut la media. Vitiers sajan las ravas er flaivlas cunter malsognas. Cunquai che la probabladad ch'i dat er en l'avegnir pli savens talas stads stoppian ils purs sauar ils ers da ravas. Quai custia, di Stäger.