En il Tessin po il scumond da burca ir en vigur sco planisà il prim da fanadur. Sco quai che la regenza tessinaisa communitgescha n'haja il Tribunal federal betg concedì in effect da suspensiun per dus recurs. Davart il cuntegn dals recurs n'ha il Tribunal federal però anc betg decis.
Il 2013 aveva la populaziun dal chantun Tessin approvà in’iniziativa per in scumond da sa cuvrir dal tuttafatg. En lieus publics èsi uschia tranter auter scumandà da purtar vels che cuvran l'entir corp (burca) u er la fatscha (niqab).
RR novitads 18:00