I resta vinavant intschert quant ditg che la via da Göschenen ad Andermatt resta serrada. Suenter la crudada da crappa hai anc adina var 200 meters cubic grip che pudess vegnir a val. Ins stoppia u segirar u siglientar il grip, ha communitgà l'Uffizi federal da vias.
Il proceder exact na saja anc betg definì. L'uffizi quinta che las lavurs da rumir duran pliras emnas.
Avant bun in'emna era crappa crudada a val en la Chavorgia da Göschenen. Il mardi passà era la via da Göschenen ad Andermatt alura vegnida serrada.
RR novitads 16:00
sda/gc