A Sion en il Vallais hai dà l’avrigl passà 11 dis da stad. Quels dis ha il termometer mussà dapli che 25 grads. Normalmain datti l’avrigl sulet in di da stad. Er a Turitg hai dà tschintg dis da stad, quai èn 15 giadas dapli ch’en media.
Bler sulegl, pauca plievgia
L’avrigl è stà en l’entira Svizra marcantamain memia chaud, uschia Meteonews. En la Svizra Bassa èsi stà 3,5 fin 5 grads pli chaud che cumpareglià cun la media climatologica tranter 1981 e 2010. La raschun per l’aura da stad è stà aura da pressiun auta sco er ch’i n’è betg vegnì pli fraid.
RR novitads 11:00