Legenda:
Ils reacturs 1 e 2 da l’ovra atomara Beznau èn vegnids construids il 1969 resp. il 1971.
Keystone
cuntegn
Svizra - Serrar Beznau pervi da terratrembel
Abitants sper l'ovra atomara Beznau han instradà pass giuridics cunter l'Autoritad da surveglianza federala ENSI. La finamira è da tschentar giu l'ovra a Döttingen en il chantun Aargau. Tenor l’ENSI ed organisaziuns d'ambient n'è l'ovra betg segira tar in ferm terratrembel.
In'analisa dal 2011 haja mussà ch'i vegniss liber radioactivitad. Ils reacturs da Beznau sajan sulet anc en funcziun, perquai che l'ENSI applitgeschia las ordinaziuns davart la protecziun da radis a moda nuncorrecta. Perquai pretendan ils 15 abitants che l'ENSI retiria il permiss da manaschi a l'ovra Beznau.
Il pli vegl reactur atomar commerzial dal mund
La pretaisa da serrar l’ovra Beznau pervi da terratrembels n’haja dentant nagut da far cun sbagls da material vi dal reactur 1. Quest bloc vala sco pli vegl reactur atomar commerzial dal mund.
