Legenda:
Il Cusseglier federal Guy Parmelin ha lantschà il cumbat electoral per ils 25. da settember.
Keystone
cuntegn
Svizra - Servetsch secret: La lescha nova duai dar dapli cumpetenzas
Per cumbatter novas smanatschas dovria novs instruments, uschia argumentescha il Cusseglier federal Guy Parmelin. El ha lantschà il cumbat da votaziun per la nova lescha federala davart il servetsch d'infurmaziun.
En l'avegnir duai il Servetsch federal d'infurmaziuns pudair tadlar giu telefons, entrar en computers u montar microfons en lieus privats. Quai dentant mo tar grondas smanatschas sco terrorissem u attatgas da cyber. Il suveran svizzer decida il settember davart la lescha nova.
