En bleras regiuns da la Svizra saja la stad passada stada la perioda la pli lunga e pli chauda senza plievgia dapi ch'ins haja entschet avant passa 150 onns a notar sistematicamain l'aura. Ils guauds hajan perquai era entschet a perder la feglia in bainquant pli baud. Las consequenzas da quai sa mussian ussa, scriva il WSL.
-
Bild 1 von 2. Il guaud dasper Mels (SG) nua che plirs faus han purtà gia il fanadur passà feglia brina. Bildquelle: Lorenz Walthert WSL.
-
Bild 2 von 2. Pervia da la setgira saja da quintar cun adina dapli incendis tras culps da chamestg, uschia il WSL. Qua ina impressiun en il guaud dal Vallais. Bildquelle: Marco Gerold, selvicultur dal chantun Vallais.
En emprimas regiuns, per exempel a Basilea-Citad, hajan ins stuì pinar parts dal guaud pervia dal donn da setgira. Quai betg il davos per proteger ils viandants sin vias e sendas. Ultra da quai hajan experts observà che tschertas plantas creschian pli pauc e ch'i haja dà dapli incendis pervia da culps da chametg.
ll pli ferm pateschian ils faus da las consequenzas da la setgira. Quellas plantas han ragischs che n’èn betg uschè profundas ed ellas na pon betg profitar avunda d’auas sutterranas.
RR novitads 17:00