L'interpresa da tradiziun sia Abrasives vul reducir 260 da sias 670 plazzas a Frauenfeld. La confecziun da meds da mular vegnia transferida en la Germania e l'Europa da l'ost. La dischlocaziun duaja cumenzar mez dal 2016 ed esser terminada fin la fin il 2017. La raschun per quest pass saja tranter auter l'ambient dal martgà difficil ed il ferm franc svizzer. Quai communitgescha l'interpresa che tutga a la gruppa da Bosch. La quota d'export muntia a passa 90%.
Il sindicat reagescha
Il sindicat «Emploiads Svizra» di che blers vegls collavuraturs cun fin a 40 onns da servetsch vegnian a perder lur plazza. Ina gronda part dad els n'haja emprendì nagut e vegnia ad avair grev da chattar ina nova plazza. Ina giada dapli stoppian emploiads pajar per il ferm franc ed in management sbaglià.
RR Novitads 16:00