- La dretgira districtuala da Winterthur ha sentenzià dus fragliuns ch'eran viagiads en la Siria tar la gruppa da terror Stadi islamic.
- Ils fragliuns eran viagiads il december 2014 en la vegliadetgna da 15 e 16 onns en la Siria.
Il cas aveva chaschunà il 2014 per letras grassas en las medias svizras. Dus fragliuns eran viagiads voluntarmain en la Siria per sustegnair il Stadi Islamic. Quel haja sustegnì ils dus fragliuns cun albiert e daners. Uss èn ils fragliuns vegnids sentenziads da la dretgira districtuala da Winterthur.
La dunna giuvna survegn in chasti da detenziun cundiziunà da 10 mais, ses frar in dad 11 mais. Il giuven duai avair visità ina scola dal Coran e sustegnì la logistica da la gruppa da terror Stadi Islamic. La sora haja pertgirà uffants pitschens e dà curs d'englais.
RR novitads 10:00