Legenda:
En il futur ston requirents d'asil forsa sa chasar en implants da protecziun civila.
Keystone
cuntegn
Svizra - Situaziun tendida areguard alloschis per fugitivs
Il mument vegnan ils chantuns anc a frida cun il dumber da requirents d'asil. Dentant è la situaziun fitg tendida, sco il president da la conferenza dals directurs chantunals dal socialesser, Peter Gomm, ha ditg a la «Neue Zürcher Zeitung». El na vul betg excluder d'activar la protecziun civila.
Tenor Gomm han blers chantuns cuntanschì ils cunfins da lur capacitads quai che pertutga structuras e proceduras. Cunzunt areguard ils alloschis saja la situaziun fitg tendida.
Vinavant ha Gomm defendì la decisiun da la Confederaziun e dals chantuns da betg activar fin uss il concept d'urgenza per ils fatgs d'asil. Gomm ha pledà da lavurar aifer las structuras regularas uschè ditg sco quai saja pussaivel.