Legenda:
Il pli savens vegn spargnà tar las pajas, tar las cassas da pensiun u er tar las grondezzas da classas.
Keystone
cuntegn
Svizra - Spargnà ¼ milliarda francs tar la furmaziun
Ston ils chantuns spargnar, lura vegn quai savens fatg sin donn e cust da la furmaziun. Cifras da l'Associaziun tetgala svizra da magistras e magisters mussan che 17 chantuns da la Svizra tudestga han gia spargnà 250 milliuns francs tar la furmaziun dapi l'onn 2013.
En las rundas da spargn fin il 2018 duain lura anc ina giada vegnir vitiers 131 milliuns. Basa per questas cifras è in’elevaziun da l'Associaziun tetgala svizra da magistras e magisters. Quella n’è però anc betg terminada. Tenor il president da l’associaziun, Beat Zemp, duain detagls vegnir preschentads l’atun.
Qualitad sa sbassa tras spargnar
Guardond sin talas cifras saja quai cler che la qualitad da la furmaziun sa sbassia, ha ditg Zemp. Ins na possia betg spargnar tants milliuns francs senza reducir la prestaziun.
