Ils speculants na sajan en quest context betg mo ils nauschs. Ils purs sajan dependents dad els per pudair sa segirar cunter grondas fluctuaziuns dals pretschs sin il martgà internaziunal.
Ils iniziants dals Giuvens socialists èn da l’avis che la speculaziun saja ina da las raschuns per las fluctuaziuns dals pretschs da las victualias. Studis mussian dentant che quels aschinumnads derivats agrars n’hajan en la pli gronda part dals cas nagin ni in effect mitigiant sin ils pretschs, ha ditg Schneider-Ammann a Berna.