La dispita pervi da la scursanida SRF è a fin. Radio e televisiun svizra e l'associaziun da detaglists Swiss Retail Federation han terminà lur dispita giuridica pervi dal diever dal num SRF, sco las 2 partidas scrivan.
Davart il cuntegn da l’enclegientscha datti ina cunvegna da discreziun. Sco i para dastga Radio e televisiun svizra salvar sia scursanida, il logo da SRF cumpara sin la communicaziun da medias. Sin la communicaziun da la Swiss Retail Federation percunter manca la scursanida.