Er sch'il stadi ha incassà dapli taglia: Igl ha dà in deficit da 2,2 milliardas francs il 2021. Quai rapporta l'Administraziun federala da finanzas EFV.
Per quest resultat ha l'EFV quintà ensemen tut las entradas ed expensas da las instituziuns statalas. Tar quellas tutgan er chantuns, vischnancas ed assicuraders socials.
Optimissem per il futur
Per il 2022 spetga l'EFV puspè in surpli per las finanzas statalas. Malgrà ina creschientscha economica modesta e dapli expensas sa revegnian las finanzas statalas vinavant da la pandemia. Durant quella hai dà il 2020 in deficit da record: 21,3 milliardas francs.
Ina tscherta intschertezza restia dentant. La pli gronda ristga è tenor l'EFV la guerra en l'Ucraina. In'ulteriura escalaziun vegn ad augmentar las expensas dals fatgs d'asil. Er quitads fa a l'Administraziun federala sche l'inflaziun cuntinuescha a lunga vista.