Legenda:
Hanspeter Thür vul laschar publicar ils pajaments als purs svizzers.
Keystone
cuntegn
Svizra - Subvenziuns transparentas
En l'avegnir duai mintgin pudair guardar en l'internet tge pur che survegn quantas subvenziuns dal stadi. Quai pretenda il protectur da datas federal Hanspeter Thür. I dettia in interess public per quests pajaments directs scriva Thür en ina cussegliaziun a la Confederaziun.
Plinavant rinforzass la transparenza la controlla davart ils daners che vegnan concedids.
L'Uffizi federal per l'agricultura refusa però la publicaziun da questas datas cun l'argumentaziun che l'interess dals purs da tegnair secret las subvenziuns saja da valitar pli aut che l'interess da la publicitad.
