Sin la plazza aviatica èn las giugadras dal club da curling Flem vegnidas beneventadas da famiglias e fans. Il skip Binia Feltscher da Flem ha en spezial sa legrà da vesair sia famiglia cun ils 2 uffants. Ensemen han els fatg il viadi vers chasa.
Jau sun gugent ad in turnier da curling, sun dentant era gugent a chasa cun ils uffants. Sin quai temp ma legrel jau uss.
Suenter in temp fitg intensiv sa legra la mamma da 37 onns da sa revegnir e da lura giudair il temp cun la famiglia ed il ruaus.
audio
Binia Feltscher enavos a Flem, stancla ma cuntenta
ord Actualitad dals 29.03.2016.
laschar ir. Durada: 2 minutas 58 Secundas.
Igl è gia la segunda giada che Binia Feltscher e sias collegas d’equipa Irene Schori, Franziska Kaufmann e Christine Urech turnan dal Canada sco campiunessas mundialas. Igl onn 2014 avevan ellas gudagnà a Saint John il titel da campiunessas mundialas.
