La finamira da quest register è da registrar las malsognas da cancer a moda unitara en tut la Svizra. Cun quest register vul ins meglierar la prevenziun, la diagnosa a temp ed il tractament da cancer. Pazients pertutgads pon dentant adina e senza inditgar las raschuns dir ch’els sajan cunter l'utilisaziun da lur datas.
Datas per part anonimas
Previs è ch'ospitals, medis ed instituziuns da sanadad tramettan las datas tar cas da cancer ad in register chantunal. Il chantun trametta lura quellas datas en furma anonimisada al register naziunal. Ina giada l'onn duain las datas vegnir evaluadas. Las datas vegnan arcunadas fin ad 80 onns.
RR novitads 12:00