Svizra - Svieuta dad Arbonia Forster croda per 7,5%
Il 2015 ha Arbonia Forster fatg 7,5% damain svieuta che l'onn avant. Cun 941 milliuns francs è quest resultat in zic meglier che il management ed analists avevan prognostitgà.
Tenor Arbonia Forster ha la situaziun difficila da la branscha da construcziun svizra marcà l'onn da gestiun passà. Quai vul dir: il grond squitsch da la concurrenza e tar ils imports, il svilup negativ sin il martgà ed il ferm franc svizzer.
Pervi da quests facturs aveva Arbonia Forster il 2015 annunzià da spustar var 400 plazzas da lavur a l'ester.
