Legenda:
En Svizra èn dieschmillis persunas dependentas da gieus per daners.
Keystone
cuntegn
Svizra - Svizra bloccescha paginas d'internet
Paginas d'internet da l'exteriur che porschan gieus per daners e scumessas duain vegnir bloccadas. Suenter il Cussegl dals chantuns ha er il Cussegl naziunal decis da bloccar tals gieus online betg lubids en Svizra.
La mesira duai evitar che daners vegnan giughentà da la Svizra anora en l'exteriur.
Da nov duain percunter casinos svizzers cun ina concessiun pudair porscher gieus per daners e scumessas en l'internet.
La fatschenta va uss enavos en il Cussegl dals chantuns.
Dependenza en Svizra
Radund 75'000 persunas en Svizra èn dependents u damanaivel dad esser dependent da gieus per daners. Quai di la fundaziun Dependenza Svizra che vul evitar e sminuir era dependenza da gieus online.
