En pliras vischnancas dal chantun da Lucerna èn ils pumpiers stads en acziun pervi d’inundaziuns da bajetgs e da vias sco er pervi da pitschnas sbuvadas dal terren.
Acziuns pli grondas ha quai dà a Malters, Grosswangen, Schwarzenberg, Nottwil e Buttisholz. Tenor infurmaziuns actualas n’hai però dà naginas persunas blessadas.
Malaura concentrada a Malters
La vischnanca da Malters era pertutgada fitg da la plievgia. Radund 60 pumpiers èn stads en acziun durant la notg sin sonda. Ils pumpiers ha sut controlla la situaziun, è dentant anc suenter mesanotg fatschentada cun pumpar davent l’aua – tranter auter er ord in sutpassadi datiers da Schachen.
Viafier interrutta
Sin il tschancun Lucerna-Wolhusen ha quai dà donns vid ils binaris. Plirs trens tranter Lucerna e Langnau BE sco er Langenthal èn crudads or. Tranter Schachen e Wolhusen èn charrads bus da substituziun. Temporarmain era er serrada la via chantunala tranter Malters e Schwarzenberg.
RR novitads 12:00