Pervi dal grond dumber da requirents d'asil dovra la Svizra anc supplementarmain 2'500 plazzas d'alloschi. Quai ha il Secretariat da stadi per migraziun SEM communitgà als chantuns.
Questas plazzas dovria per pudair dumagnar in eventual augment da las dumondas d'asil enturn ils dis da festa, citescha la NZZ am Sonntag il SEM.
Dispitaivel è dentant tgi che offrescha las 2'500 plazzas. Tenor il secretariat è quai chaussa dals chantuns. Intgins dals chantuns spetgan dentant ch'il Departament da defensiun mettia a disposiziun casernas ed auters alloschis da l'armada.
