Legenda:
La Svizra e la Gronda Britannia èn sa cunvegnidas tge ch'i vulan per il temp suenter il Brexit.
Keystone
cuntegn
Svizra - Svizra sa cunvegna cun Gronda Britannia
Il Cussegl federal ha approvà ina cunvegna cun la Gronda Britannia. Cun quella duain burgais svizzers en Gronda Britannia e burgais britannics en Svizra salvar lur dretgs er suenter il Brexit.
Cun quai che la Gronda Britannia banduna l'Uniun europeica na valan ils contracts bilaterals da la Svizra e l'UE betg pli per ils Brits. Cun la nova cunvegna valan per radund 80'000 persunas er suenter il Brexit reglas sco il dretg da dimora e l'access a las assicuranzas socialas.
Ina cunvegna fixa na datti dentant anc betg tranter ils pajais. Uscheditg che la Gronda Britannia è anc commembra da l'UE na po ella betg contractar formalmain cun auters pajais. Enfin uss haja dà be discurs informals.
