Svizra - Svizra sto esser pronta per conflicts, crisas e catastrofas
La Svizra saja periclitada pli e pli fitg d’acts terroristics e da malruaus socials. Quai scriva il schef da l’Armada svizra, André Blattmann, en la gasetta Schweiz am Sonntag. Da reducir ils meds per defender il pajais, pia da spargnar tar la segirezza, saja perquai privlus.
Legenda:
Cumandant da corp André Blattmann, il schef da l'Armada svizra.
Keystone
La Svizra na saja actualmain bain betg pertutgada directamain d’ina guerra. Las consequenzas da las guerras sin il mund sentia dentant era la Svizra: sper il privel d’acts terroristics ha Blattmann numnà las perspectivas economicas che sa sminueschan e la massa da fugitivs.
Or da quests motivs stoppia la Svizra esser pronta per conflicts, crisas e catastrofas, uschia Blattmann. El è da l’avis che l’armada da milissa – pia il sistem d’armada vertent – saja il med cunter ristgs e privels moderns.
