Legenda:
Ulteriuras societads aviaticas ston annunziar datas da passagiers a las autoritads svizras.
Keystone
cuntegn
Svizra - Svizra surveglia ulteriuras glistas da passagiers
Tgi che sgola da Peking, Shanghai u Sao Paulo en Svizra sto quintar che las autoritads svizras intervegnian da quest viadi. Societads aviaticas che porschan questas destinaziuns suttastattan da nov ad in obligatori d'annunzia.
Las societads ston tranter auter annunziar al secretariat statal da migraziun il num, la data da naschientscha ed il numer dal pass da mintga passagier.
Per radund 10 ulteriuras destinaziuns exista gia oz in obligatori d'annunzia. Da quests lieus sgolan savens persunas en Svizra che na dastgassan betg sa fermar qua, uschia il secretariat.
