Legenda:
Telefonar a l'exteriur duai daventar pli bunmartgà tar la Swisscom.
Keystone
cuntegn
Svizra - Swisscom abolescha per gronda part las taxas da roaming
Ils pretschs per telefonar a l'exteriur cun il telefonin vegnan adina pli fitg sut squitsch. Il concern da telecommunicaziun Swisscom fa perquai il proxim pass ed extenda ses abunament pauschals er sin ils pajais da l’Uniun europeica, quai dentant betg senza resalvas.
Tar novs products d'abunament da la Swisscom vegnan abolidas las uschè numnadas taxas da roaming. Ils clients na stoppian uschia betg pli far quitads da meglier tschantar giu ils telefonins a l’exteriur per spargnar custs. L’entschatta da l’emna aveva il concurrent Sunrise gia annunzià in nov product da roaming pli bunmartgà per telefonar a l'exteriur.
