Legenda:
Peter Hegglin sco represchentant dals chantuns e cussegliera federala Eveline Widmer-Schlumpf refusan ina taglia sin l’ierta.
Keystone
cuntegn
Svizra - Taglia sin l’ierta betg buna per la Svizra
La taglia sin l’ierta purtass daners supplementars a la Confederaziun. Tuttina na vul il Cussegl federal betg ina taglia sin l’ierta, ha ditg la ministra da finanzas Eveline Widmer-Schlumpf.
Il Cussegl federal na veglia betg limitar la suveranitad finanziala dals chantuns. Ed ina taglia sin l’ierta federala portia dischavantatgs per la Svizra en la concurrenza da taglia internaziunala.
L’iniziativa per ina taglia sin l’ierta federala vul ina taglia da 20% sin iertas e regals. Duas terzas da las entradas fissan per l’AVS, ed ina terza per ils chantuns. Iertas enfin 2 milliuns francs e regals enfin 20’000 francs ad onn na fissan betg pertutgadas da questa taglia.
