Vischnancas duain era pudair introducir en l'avegnir zonas da tempo 30 entaifer vitgs e citads – er per motivs da protecziun da la canera. La cumissiun da traffic dal Cussegl dals chantuns na vul naginas restricziuns.
Legenda:
Il Cussegl dals chantuns na vul betg restrenscher las regulaziuns per realisar zonas da tempo 30.
Keystone
La cumissiun da traffic dal Cussegl dals chantuns ha renvià in'inizativa parlamentara dal cusseglier naziunal da la PPS Turitg, Gregor Rutz. Quella vuleva lubir reducziuns da tempo mo per motivs da segirtad, dentant betg per motivs da protecziun da la canera. Tenor la cumissiun fiss quai ina memia gronda intervenziun en l'autonomia da vischnancas.
Davart la moziun decida sco proxim il Cussegl dals chantuns.
