Legenda:
Tino Schneider sa retira da ses post sco president da la PCD giuvna.
RTR, Michel Decurtins
cuntegn
Svizra - Tino Schneider sa retira sco president da la PCD giuvna svizra
Cun cumenzar la vita professiunal per propi l'entschatta da quest onns haja il Grischun stuì constatar che sia flexibladad e sia disponibladad saja fitg limitada. Plinavant haja il cumbat d'elecziun da la primavaira custà blera forza.
Proxim onn han lieu las elecziuns per il Cussegl naziunal e quellas sajan da gronda impurtanza er per la PCD giuvna. Tino Schneider ha scrit en ina communicaziun ch'i saja impurtant da chattar per l'onn proxim in candidat u ina candidata che haja la flexibladad e l'energia per quest post. Ed er saja impurtant che quella persuna portia las ideas ed ils impuls necessaris.
Durant las proximas emnas vegnia a dar ulteriurs detagls davart la candidatura dal presidi. Schneider saja motivà dad anc ina giada dar tut per ils ultims sis mais ch'el è president da la PCD giuvna.
