Legenda:
Fin a 13 kilometers lunga è la colonna avant il tunnel dal Gottard stada.
Keystone
cuntegn
Svizra - Traffic al Gottard sa normalisescha plaunsieu
Sin la ruta dal Gottard èn las colonnas sa reducidas en il decurs dal suentermezdi. Il mument datti mo anc colonnas da 2 kilometers tranter Wassen e Göschenen. Quai munta in temp da spetga da radund 20 minutas, scriva il TCS sin sia pagina d'internet.
L'avantmezdi avevi dà colonnas da passa 13 kilometers al portal nord dal Gottard. Il servetsch da traffic Viasuisse quinta gia dumengia cun ulteriurs disturbis da traffic perquai che blers turnian gia a chasa.
Colonnas hai era dà sin la ruta dal San Bernardino. Entant stagnescha il traffic anc tranter Tusaun ed il tunnel dal San Bernardino.
