Legenda:
Anc adina vegn la blera rauba en Svizra transportada sin via; l'onn passà ha la viafier dentant augmentà sia cumpart.
Keystone
cuntegn
Svizra - Transport da rauba cun viafier crescha
En Svizra è l'onn passà vegnida transportada tanta rauba sco anc mai. Quai tant sin via sco cun la viafier, sco las cifras da l’Uffizi federal da statistica mussan.
En tut èsi vegnì transportà passa 28 milliardas tonnas kilometricas, pia ina tonna transportada per in kilometer. En cumparegliaziun cun l’onn avant è quai in augment da 2,8%. Però è il transport cun viafier s’augmentà pli fitg (+4,6%) ch’il transport sin via (+1,7%).
La rauba transportada sin via munta en Svizra a 62%, sin la viafier a 38%. Uschia saja la cumpart transportada cun la viafier en Svizra marcant pli auta che tar ils stadis en l’UE, scriva l’Uffizi federal da statistica.
