Siglir tar il cuntegn

Header

cuntegn

Svizra Tschertga da sparids en Uri sa retardescha

La tschertga dals dus umens cuverts da crappa en il chantun Uri avant in'emna sa retardescha. Il grip è anc adina instabil.

Las lavurs per segirar il grip sur il lieu da l'accident sajan difficilas e dovrian dapli temp che spetgà, scriva la polizia chantunala da l'Uri. Perquai duai in exchavatur dirigì dal lontan gidar a chattar ils dus lavurers sparids – dus umens indigens da 26 e 62 onns. Pir en circa duas emnas pon alura persunas entrar en quella zona privlusa.

Trais umens lavuravan avant in'emna vi d'ina senda che maina sin la Ruosalp datiers dal Klausenpass, cura che 2'000 meters cubic grippa èn vegnids giu a val. In dals trais umens ha pudì sa deliberar sez ed alarmar la polizia.

RR novitads 17:00

Artitgels legids il pli savens