Svizra - Tschertga per in deposit da rument radioactiv cuntinuescha
Questa stad cuntinuescha la tschertga per il deposit definitiv da rument radioactiv. La Societad naziunala per il deposit da ruments radioactivs, NAGRA, vul inoltrar dumondas per furadas da sondagi en ils territoris Giura Ost e Turitg Nordost.
Cun las perfuraziuns enfin ina profunditad da 1200 meters vul la NAGRA chattar ora, co i guarda propi ora en l'intern da la terra. Las mesiraziuns da la surfatscha anora ha ella gia terminà.
Las perfuraziuns duain esser terminadas la fin dal 2021. Silsuenter vul la NAGRA sa fixar sin in lieu per il deposit da rument radioactiv. Examinà vinavant vegn en pli il territori Nördlich Lägern.
