Siglir tar il cuntegn

Header

Lucerna, dumengia ils 5 d'avrigl 2020.
Legenda: Lucerna, dumengia ils 5 d'avrigl 2020. Keystone
cuntegn

Svizra tudestga La gronda part da la populaziun è sa tegnida vid las reglas

Er en l'entira Svizra tudestga è la populaziun sa tegnida per gronda part vid las reglas, malgrà la bell'aura e temperaturas da primavaira. Quai mussa ina enquista en singulas citads grondas. Blers sajan ids giuador, hajan dentant resgardà las reglas.

Son Gagl

Però haja er dà daquels ch'han cuntrafatg a las reglas, là haja la polizia dà multas. Per exempel en il chantun Son Gagl è la polizia vegnida clamada aifer 24 uras radund 100 giadas. En in cas aveva in'ustaria avert ed ha ospità ses giasts. L'ustier è vegnì denunzià. Sur la fin d'emna ha la polizia stuì chastiar dapli che 120 giadas.

Lucerna

A Lucerna hai oravant tut dà dapli persunas ch'eran sin via a far spassegiadas, e quai er a la riva dal lai, ch'è per part serrads. Las gruppas sajan dentant stadas pitschnas ed hajan er tegnì la distanza. En l'entir chantun haja la polizia repartì radund 100 multas.

Turitg

A Turitg hajan ins adina puspè stuì admonir gruppas da tegnair la distanza. Era sch'ins haja stuì chastiar pliras persunas, n'haja dà nagins incaps pli gronds. Las autoritads na vegnian er betg pli a serrar dapli plazzas, parts da la riva dal lai en la citad sajan gia serrads.

Basilea

A Basilea è il Rheinbord anc adina avert per tuts. Las persunas han fatg tut il pussaivel da respectar las prescripziuns da las autoritads. En 130 cas haja la polizia stuì chastiar cun multas da 100 francs pervia da fullas da glieud en il spazi public. Dapi ils 21 da mars èn vegnidas repartidas 200 multas.

Berna

A Berna eran la sonda dapli persunas en la citad. La dumengia sajan er fitg blers stads sin via e plazzas publicas. La polizia haja era stuì reparter multas, dentant pli paucas che la fin d'emna avant.

RTR novitads 06:00

Artitgels legids il pli savens

Ir a sanester Ir a dretg