Siglir tar il cuntegn

Header

cuntegn

Svizra Turissem Branscha turistica: vista precauta, ma optimistica

Schlantsch per il turissem: tenor ina retschertga da Svizra Turissem datti actualmain bundant 14.5% dapli cudeschaziuns per la stad, congualà cun l'onn avant. Uschia saja la branscha da turissem precauta, ma optimistica per questa stad.

Las persunas che braman las vacanzas, hajan fatg la reservaziun per la stad pli baud che usità – scriva Svizra Turissem sin basa d'ina retschertga en divers secturs da la branscha turistica. Turistas e turists planiseschan era pli lungas vacanzas, cun quai ch’ins possia puspè far dapli era ordvart ils hotels. Las destinaziuns porschian numnadamain puspè offertas culturalas e da wellness, Ed ils turists quintian era da pudair ir en auters restaurants a mangiar. Perquai hajan gist las destinaziuns popularas actualmain pudì registrar bleras reservaziuns.

Betg sulet Svizras e Svizzers

Era sche reservaziuns èn vegnidas fatgas baud, spetga la branscha da turissem tuttina anc bleras reservaziuns a curta vista. Ils turistichers e las turisticras fan oravant tut quint cun giasts da la Svizra. Però els èn era optimistics ch'i dat dapli giasts da l’exteriur cumpareglià cun l’onn avant.

Bunamain la mesadad dals manaschis ch'èn sa participads a la retschertga han inditgà, ch'els spetgian dapli giasts dals pajais vischins da la Svizra. Quai vegnian cunzunt ad esser turistas e turists da la Germania, da la Frantscha, dals stadis Benelux e da la Gronda Britannia, scriva Svizra Turissem.

audio
Per tadlar curt e cumpact
ord RTR Audio dals 21.05.2021. Maletg: Keystone
laschar ir. Durada: 1 minuta 9 Secundas.

RTR novitads 12:00

Artitgels legids il pli savens