Hotelleriesuisse e Svizra Turissem vulan avair pront la broschura sin la proxima stad, scriva la «Sonntagszeitung». La broschura duai declerar la cultura ed il sa depurtar giudaic ed uschia evitar malchapientschas.
Ils turistichers menziuneschan cas en il Grischun che hajan mussà, ch'i dovria dapli infurmaziuns. A Tavau aveva la populaziun reclamà, pervi dal sa depurtar da gidieus ortodoxs. Ed ad Arosa avev'in otel dumandà ils giasts gidieus da far la duscha avant e suenter il nudar.
RR novitads 12:00