Adina dapli Svizras e Svizzers – però era ils giasts da l'exteriur duain scuvrir la Svizra sin la sella dal velo. Nagin misteri, tenor il directur da Svizra turissem Martin Nydegger. La Svizra cun sias differentas regiuns e topografias saja la destinaziun perfetga per vacanzas da velo.
Surtut regiuns alpinas profiteschian dal boom da velo
Era l'infrastructura mussia quai: Ina rait da rutas da velo da passa 35’000 km. Quai cun turas sper flums, cun il velo da cursa sur ils numerus pass ubain cun il mountainbike da la muntogna giuadora. Tenor ina retschertga da Svizra turissem va mintga 5avel giast da stad en Svizra cun velo – pia radund 1,5 milliuns. Da quest «boom» profiteschian cunzunt las regiuns alpinas, di Martin Nydegger. Radund 66% da tut las excursiuns cun velo sajan en las regiuns alpinas.
-
Bild 1 von 6. La Svizra posseda ina rait da turas da velo da 35'000 km. Bildquelle: Switzerland Tourism.
-
Bild 2 von 6. I dat turas da trecking sper ils flums, ... Bildquelle: Switzerland Tourism.
-
Bild 3 von 6. ... turas sur ils numerus pass per ils amaturs dals velos da cursa ... Bildquelle: Switzerland Tourism.
-
Bild 4 von 6. ... ni era turas da mountainbike tras ils parcs da muntogna da la Svizra. Bildquelle: Switzerland Tourism.
-
Bild 5 von 6. La Svizra porscha in'infrastructura ideala per far vacanzas da velo. Bildquelle: Switzerland Tourism.
-
Bild 6 von 6. Svizra turissem vul era carmalar turists da pajais lontans en Svizra per gudair ina bella tura da velo. Bildquelle: Switzerland Tourism.
Grischun vacanzas vul attrair mountainbikers
Era per Grischun vacanzas è ir cun velo trumf. Cun la nova campagna sa concentreschan els però sin il mountainbike.
RR actualitad 11:00