Legenda:
Segunda gronda interrupziun da la forza electrica a Turitg entaifer duas emnas.
Keystone
cuntegn
Svizra - Turitg danovamain senza forza electrica
Ina part da la citad da Turitg è danovamain stada senza forza electrica. Pertutgà è l'intschess da Turitg Oerlikon. Tenor l’ovra electrica da Turitg EWZ haja dà in cirquit curt en la centrala secundara Irchel. Era il studio da SRF 3 è stà pertutgà.
La raschun per il cirquit curt n’è anc betg enconuschent. Radund 5'400 connecziuns èn stadas pertutgadas. Era las lingias da tram 11 e 15 tranter Bucheggplatz e staziun Oerlikon èn crudadas ora. Las 10:45 è l'interrupziun ed il disturbi stà a fin.
Pir avant duas emnas avevi dà a Turitg in’interrupziun dal current electric, lezza giada enturn la staziun principala.
