Legenda:
Er il Cussegl dals chantuns duai vegnir pli transparenza. Quai vul la cumissiun da las instituziuns politicas.
Keystone
cuntegn
Svizra - Tut ils parlamentaris duajan inditgar lur professiun e funcziun
Ils commembers dal Cussegl naziunal e dal Cussegl dals chantuns duajan en futur inditgar la professiun, il patrun ed er la funcziun ch'els han en l'interpresa. Quai pretenda la cumissiun da las instituziuns politicas.
Ils commembers dal Cussegl naziunal e dals chantuns duain en futur betg mo inditgar lur professiun mabain er lur patrun da lavur e la funcziun en l'interpresa. La cumissiun da las instituziuns politicas dal Cussegl dals chantuns vul questa modificaziun ch'il Cussegl naziunal aveva proponì. Quai saja in pitschen pass envers dapli transparenza, argumentescha la cumissiun. Però na vul la cumissiun betg ina regulaziun pli severa per lobists en Chasa federala.