En ses pled da Bumaun ha ditg il president dal Cussegl federal 2019, ch'i saja necessari per l'avegnir da guardar avant en il passà – quai manegia Ueli Maurer dentant betg be per sai sez, mabain era per la Svizra:
En in temp uschè commovent ristgain nus savens che nus perdain il terren sut ils pes.
Las valurs svizras hajan las Svizras ed ils Svizzers acquistà ensemen: Quai sajan la democrazia directa, la democrazia, il federalissem, la modestadad, la capacitad e la punctualitad. Sin quai dastgia la Svizra esser loscha, ellas furman la basa per la bainstanza dal pajais.
Prender il telefonin, dentant betg emblidar la vatga
Sco simbol en pled e maletg è Ueli Maurer sa decidì per ina vatga che simbolisescha la tradiziun, la derivanza e las valurs communablas. Da l'autra metta el il telefonin per la midada rasanta da la societad, il progress tecnologic e per la grond schanza e pussaivladad en la vita privata.
RR actualitad 12:00