Legenda:
Il minister da l’economia, Johann Schneider-Ammann.
Keystone
cuntegn
Svizra - Ulteriur mez onn lavur curta
Cusseglier federal Johann Schneider-Ammann vul prolungar la pussaivladad da lavur curta per ulteriurs 6 mais. El vegnia a proponer quai al Cussegl federal, ha Schneider-Ammann ditg a la gasetta «Ostschweiz am Sonntag».
Uschia hajan las firmas dapli temp da s'adattar a las novas circumstanzas e quai pudess salvar plazzas da lavur en Svizra. Il schaner passà aveva il Cussegl federal introducì la pussaivladad da lavur curta per 12 mais suenter che la Banca naziunala svizra aveva renunzià al curs minimal dal euro envers il franc. La fin d'october avevan var 400 firmas lavur curta per 5'300 lavurants.
